Prostituzioa kaletik aldendu ala ohiko moralarekin jarraitu?

Pasatu dira, jadanik, hilabete pare bat gure Bilboko alkateak, hain gaurkotua eta berritzailea den gure alkate jaunak, prostituzioa kaletik ateratzeko (ez omen baita oso ikusgarria zonalde pijoetan arropa gutxirekin jantzitako neskak ikustea) ordenantza bat aterako zuela elarazi zuenetik... oraindik ez dute ezer plazaratu baina, hala ere, batzuek izan dugu dokumentu hori ikusteko eta, gizarte ekintzetan parte hartzen dugun elkarteen artean, eztabaidatzeko aukera.

Dokumentua ikusi aurretik, sexu langileentzat zeintzuk onura edo desabantila izango zituen egon ginen komentatzen, Bartzelonan edo Madrilen egin diren esperientziak eredutzat hartuta. Dokumentua ikusi ondoren eta Bartzelonakoaren kopia uztela baino ez dela ikusi ondoren, ondorioak ozo antzekoak izango direla aurreratu dezakegu. Baina ez da hori gauza txarrena, modu extraofizialean komentatu zigutenez, ordenantza hau "ahateen parkean" eta Miribila eta Gorteen arteko zonaldean bakarrik eramango zen aurrera, prostituzioarekin batera cruissing (cruissing da kalean txortan egitea ezezagunekin) delakoarekin bukatzeko. Udaletxekoek, gu bezain ondo dakite, prostituzioarekin bukatzerik ez dagoela eta horrelako erabakiekin leku batetik bestera mugitzea besterik ez dutela lortuko, eta berdina gertatzen dela kalean egindako sexuarekin... hala ere, eurak horretan jarraitzen dute.

Horretaz gain, gure belarri eta eskuetara heldu zaigunez, ez da berez prostituzioa zalatuko, epaituko... baizik eta kalean sexua praktikatzen duen edonork jasoko du isuna. XXI. mendean, mass mediak sexuarekin, prostituzioarekin, pornografiarekin eta gorputz biluziekin saturatzen gaituzten mende berberan isunak jarriko dizkigute kalean hiritarren ondoezaz zalatutako arropa gutxi daramagun pertsonoi edota gure jarrera sexualak poliziren analisiaren eta subjetibitatearen arabera eredu txartzat hartzen digutenoi. Hau da, neskalagun edo mutilagunari hankartean eskua sartzen diozula... 100 euroko isuna. Hau da gure alkateak onezten dituen jarrerak eta egiten dituen ordenantzak... tamalgarria benetan jendeak horrelako tipoei ematea euren botua.

Hankatarteko Laztan Bat Guztiontzat (alkate, kaleak gureak dira eta laztanduko dugu nahi duguna!)